MITAAS pa sa 27,998 ang total recoveries sa COVID-19 sa region-12 tungod sa 261 ka bag-ong nakarekober, as of August 19 subay sa update sa DOH-12.
Sa bag-ong nakarekober ang GenSan adunay 132, South Cotabato may 53, North Cotabato adunay 47 ug 29 sa Sultan Kudarat.
Misaka usab sa 32,414 ang total cases sa COVID-19 sa region-12 tungod sa 319 new confirmed cases.
Sa bag-ong nagpositibo, ang North Cotabato adunay 137, South Cotabato-74, GenSan-63 ug Sultan Kudarat- 45.
Mitaas usab sa 1,065 ang total deaths sa COVID-19 sa region-12 tungod sa dugang 12 nga nakabsan sa kinabuhi. Kasamtangan mokabat sa 3,346 ang aktibong kaso sa COVID-19 sa rehiyon asa ang North Cotabato adunay 810, South Cotabato sa 791, GenSan-745, Sarangani Province-603 ug Sultan Kudarat- 397 ka aktibong kaso.
