Kini arun dili na subli nga mudaghan pa ang kaso sa ASF sa probinsiya diin wala pa hingpit nga nawala ang mga kaso niini nga balatian.
Matud ni ProVet head Dr. Benjamin Resma, atol sa report niini kagahapon, nagbutyag nga human sa kapin tulo ka bulan nga wala nay kaso sa ASF ang lalawigan, laing 3 ka barangay sa Gingoog City ang nakatala og bag-ong kaso sa ASF apan kini padayun nilang gipangitaan og paagi arun dili na manakod pa.
Hinoon matud ni Resma nga ang mga samples gikan Libertad ug Talisayan negative ang resulta niini sa ASF samtang mihatag usab sila og disinfectants, vitamins, ug porga sa tanang mag-uuma nga ilang gibisitahan.
Kahibaloang lakip sa ASF recovery programs sa ProVet ang pagpa-atiman sa mga mag-uuma og itik diin makuhaan sa panginabuhian ang maharvest niining mga itlog, apan adunay na usab hulga sa avian influenza (AI) o bird flu sa nasud partikular sa kauluhan.
Kahinumduman ning miaging semana, nagpagawas og Executive Order (EO) si Gobernador Yevgeny Vicente Emano nga nagmando sa temporaryo pagdili sa pagsulod sa tanang klase sa langgam, ug tanang matang sa mga produkto sa manok sa lalawigan.
Ubos sa EO, ang Rehiyon 3, 5, ug 12 gidid-an sa pagdala sa mga manok ug mga produkto niini sa Misamis Oriental.
