LEGAZPI CITY – Ipinamahagi ng Department of Agriculture-Agricultural Training Institute (DA-ATI) Bicol ang 2nd batch ng agricultural start-up kits sa mga nagtapos ng Binhi ng Pag-asa Program sa lalawigan ng Albay.
Bahagi ng Binhi ng Pag-asa Program (BPP) ang pagbibigay ng post-training support sa mga nagtapos nito upang maitatag ang kani-kanilang mga negosyong pangkabuhayan na angkop sa kani-kanilang sistemang socio-agricultural.
Nagbigay din ito ng real-life application sa mga natutunan sa sabay-sabay na pagsasagawa ng BPP noong Agosto hanggang Oktubre 2021 sa lalawigan ng Albay at Camarines Sur kung saan tinuruan ang mga kabataang nagsasanay tungkol sa mga teknolohiya sa agrikultura, “agripreneurship”, leadership at values formation courses kasama ang pampublikong pagsasalita, mga pagpapahalaga sa pamumuno, at pagsasanay sa social media.
Sa pagtutulungan nina ATI-RTC V Training Specialist II Ma. Techie Lizaso, Provincial Coordinator ng Albay Grace P. Teaño, ATI Technical Staff Joyca Labios at Municipal Coordinators ay naipamahagi ang free-range na manok at feeds sa mga BPP youth graduates sa bayan ng Libon (feeds), Polangui (feeds) , Daraga, Sto. Domingo, Malilipot, Malinao, Tiwi, at Lungsod ng Legazpi.
Ang bawat BPP Graduate ay nakatanggap ng 15 free-range na manok (13 babae at dalawang lalaki) at isang sako ng layer feed. Inutusan din silang gumamit ng mga alternatibong feed (itinuro sa panahon ng pagsasanay) na magagamit sa kanilang paligid upang mabawasan ang gastos ng pagpapakain.
Magsasagawa ang ATI Bicol ng quarterly monitoring para matiyak ang tagumpay ng Binhi ng Pag-asa Program at ng mga benepisyaryo nito.
