KALIBO, AKLAN—Ginhinyo sa Sangguniang Bayan Kalibo it mga asosasyon it vendors ag stall owners sa Kalibo public market nga i-eakip sanda sa priority list it mga dapat nga mabakunahan.
Sa ginpatigayon nga special session it SB Kalibo, ginpaabot ni Mr. Danilo Lopez, Presidente it United Stall Owners and Vendors Association nga kinahangean sanda nga mabakunahan agud nga mangin eowas sa virus kamana man do mga manugbakae.
Importante man sigon nga mabakunahan sanda bangud nga do public market hay ginakabig nga kabahin sa mga source it community transmission kung siin do mga tawong nagasueod hay halin sa nagkasari-saring lugar sa Aklan.
Samtang, ginpahayag man ni Sangguniang Bayan Member Augusto Tolentino nga may gin-obra eon sanda nga resolution kaangot kara ag ginpasiguro nga kung mag-abot do maabong bakuna sa kabisera it Aklan hay i-eakot do mga raya sa magiging prayoridad. // SHERRY ANNE REUNIR-VIDAL