KALIBO, AKLAN—Padayon do monitoring it Kalibo Municipal Police Station ag pag-issue it citation ticket sa mga owa nagasunod sa ginapatuman nga minimum health protocols sa banwa it Kalibo.
Ginpahayag ni Police Lieutenant Colonel Belshazzar Villanoche, OIC it Kalibo MPS, nga para sa bilog nga buean it Hulyo hay may unang 83 indibidwal do nadakpang nagaeapas sa ginapatuman nga minimum health protocols kung siin 39 indibidwal kara hay gintaw-an it citation ticket bangud sa owa pagsuksok it facemask, 16 sa paglabag sa curfew hour, 15 dahil sa owa pagsuksok it face shield, 11 social distancing ag daywa man do naticketan bangud sa bukon it insakto nga pagsuksok it facemask.
Suno pa kay Lt. Col. Villanoche, kaabuan sa mga nataw-an nanda it citation ticket hay sa mga pampublikong lugar kapareho it sa Kalibo public market kung siin do iba sa mga raya hay nagatangis-tangis it pangayo it pasenysa samtang do iba man hay nagahambae nga kunta ticketan man do mga public officials sa munisipyo nga owa nagasunod sa health protocols.
Nasayuran nga do multa sa owa pagsunod sa minimum health protocols sa banwa it Kalibo hay nagaabot it hasta sa Php 2,500.00.// SHERRY ANNE REUNIR-VIDAL
