CAMARINES NORTE- Hinimok ng Social Security System (SSS) ang mga miyembro nito na may unpaid short-term loans na samantalahin ang consolidation ng past due short-term member loans na may condonation of penalty.
Sa isang press briefing sinabi ni SSS Daet Branch Head Ermina Maria Robredo na on- going pa rin ang naturang programa at para ma- avail ito ay kinakailangang mag- register sa My.SSS account.
Kabilang sa mga miyembrong kwalipikadong mag-avail ng program ay ang mga mayroong outstanding salary loans at ang mga may salary loan early renewal program (SLERP), calamity, emergency loan at restructured loan.
Sa ilalim ng programa, pag-iisahin ng SSS ang principal at interest ng past-due short-term member loans para gawing isang consolidated loan.
Ang mga hindi naman nabayarang penalties ay tatanggalin sa sandaling ang miyembro ay nakapag-full payment na sa consolidated loan.
