LEGAZPI CITY – Planong isabay kan gobyerno-probinsyal kan Albay an Special Satellite and Register Anywhere Program (SSARAP) kan Commission on Elections (COMELEC) sa Gobyernong Gumagalaw at Lumalapit sa Tao (GGL) Caravan.
Ini nganing dakol pa na mga Albayano an makapagparehistro sa COMELEC orog na ngunyan na paparani na an 2025 local asin national elections.
Obheto kan GGL caravan na mairani sa mga residente kan probinsya an mga serbisyong-medikal asin iba pang importanteng serbisyo.
Para sa mga maparehistro, dapat su boot Pilipino na dai mababa sa 18 anyos an edad sa mismong aldaw kan eleksyon, asin residente kan Pilipinas na dai nagbababa sa sarong taon.
