KORONADAL CITY- UPANG mapalapit sa kanilang mga mahal sa buhay kahit na nasa loob ng bilangguan, naglunsad ang South Cotabato Rehabilitation and Detention Center o SCRDC ng electronic o E-Dalaw para sa mga inmates.
Ayon kay OIC Jail Warden Lory Celeste na sa E-Dalaw, mabibigyan ng tyansa ang mga bilanggo na makausap ang kanilang pamilya at mga kaibigan sa pamamagitan ng pag-video call sa messenger application gamit ang smartphone at tablet ng jail.
Ang E-Dalaw ay bukas para sa lahat ng mga inmates at kailangan lamang ng mga ito na magpalista at magpa-schedule.
Napag-alaman na suspendido pa rin ang pagtanggap ng bisita SCRDC sa gitna ng banta ng COVID 19 pandemic.
