Gipahunong una ang island hopping ug snorkeling sa mga diving sites sa lungsod sa Moalboal tungod sa presensya sa box jellyfish o bokya.
Gipahibawo sa LGU nga dili una tugutan ang maong mga kalihukan aron masiguro ang kaluwasan sa mga turista ug mga lokal nga nangaligo.
Subay ang mando sa taho gikan sa Coast Guard Moalboal Substation diin nangatol ang panit sa upat ka mga bisita human naigo sa bokya sa Panagsama beach.
Luwas ra hinuon ang kahimtang sa maong mga bisita human daling gidala sa tambalanan sa lungsod sa Badian.
Maong gi-abisuhan sa LGU ang mga nangaligo nga kung dili man kalikayan, magsul-ob og igong panagang sa lawas ug magbantay sa palibot.
Kini aron dili usab maigo sa box jellyfish diin kung dili man kakumpyansahan, makamatay kini sa tawo tungod kay highly toxic man. ///
