SIKOP sa mga otorida ang suspek sa tulo ka kaso sa pagpanlugos sa may Purok 6 Brgy. Del Pilar, Baliangao, Misamis Occidental, kaniadtong Mayo 3, niining tuiga, alas 11:05 ang takna sa buntag.
Giila ang suspetsado nga si SILVERIO DUMA-OG HECHANOVA, (Top 1 Most Wanted Person, Municipal Level) 48 anyos, panday, minyo, ug residente sa Purok 6, Brgy. Bolinsong, Bonifacio, Misamis Occidental.
Dakpan ang suspek pinaagi sa Warrant of Arrest nga giisyu ni Hon Sylvia A. Singidas-Machacon, Presiding Judge Regional Trial Court 10 Judicial Region, Branch 16, Tangub City, Misamis Occidental nga naka-dock, ilawom sa Criminal Case No. TC-2021-011, TC-2021-012 ug TC-2021-013, nga gipetsahan kaniadtong Pebrero 15, 2021, sa paglapas sa tulo ka krimen sa RA 8353 o mas naila sa tawag nga ANTI-RAPE LAW of 1997.
Wala’y girekomenda nga piyansa, ug ang suspetsado anaa karon sa kustodiya ni Bonifacio MPS alang sa tukma nga disposisyon.(Jean Ruben)
