-Daina E. Gerona
Padayon ang kooperasyon ni Manuela Gemarangan sa katapo sang kapulisan para sa imbestigasyon sang mga yara sa likod sa pagluthang-patay sang iya bana nga si Basilio Gemarangan sa So. Mambaluyong, Barangay Mahalang, syudad sang Himamaylan.
Base sa interbyu nga ginpatigayon sang Brigada Kabankalan sa Deputy Chief of Police sang Himamaylan Police Station, PMAJ Arthuro Margallo Jr. nga sa karon ila ginatingwa-an nga makakuha sang iban pa nga impormasyon agud nga matul-id sa idalum kag makilal-an na ang tatlo ka mga persona nga nagsulong sa mismo puluy-an ni Basilio sang tinalikdan nga Hunyo 27.
Dugang pa ni Margallo nga posible personal grudge ukon aligotgot ang yara sa likod sang krimen, angut sa palayag sang asawa ni Basilio nga madamo sang nagahulam sang mga nagkalain-lain nga gamit kag kwarta sang Iya nga bana kag prangka ini nga klase sang taho.
Angut naman sa panalaysayon sang bata ni Basilio nga 20 anyos nga gintayaan ini sang Armas luthang nga calibre 45 nga nagpakilala pa nga pulis suno sa Kay Margallo nga bisan sin-o ang pwede makapakilala nga katapo sang PNP.
Madumduman nga las 12:45 sang kaagahon tinalikdan nga Hunyo 27, sang nagsaroso ang mga ido sa puluy-an sang biktima, naggwa ini sa pirtahan agud nga sikyaron sang gulpi lamang nga naglupok sang lima ka asod-asod, kag naigo sa likod lapos sa wala nga abaga kag wala man nga kamot si Basilio. Nahibaluan nga tatlo ka mga tawo ang nagsiling suksok ang panapton nga itom, Bonet nga itom kag medyas nga itom ang mga suspetsado.
