Nadakpan it baril ro sangka senior citizen sa may Barangay Lupo, Altavas, Aklan.
Ginkilaea ro suspek nga si Rogelio Gravo Isidoro 61yo ag residente sa lugar.
Nabuoe sa posisyon kara ro sangka homemade shotgun nga may bala ag owa it serial number.
Rumesponde sa area ro mga kapulisan matapos makabatun it report nga may taong nagapamaeag ag pag abot nanda sa area hay nakita ro suspek nga daea ro nasambit nga armas.
Sa makarun hay kulong ro suspek sa Altavas PNP ag posibleng kasuhan it pag eabag sa RA 10591 o Comprehensive Firearms and Ammunition Regulation Act in relation to Comelec Gun Ban./ ANN DESLENE SALAZAR
