Arestado ang isa ka most wanted person matapos ginserbihan sang warrant of arrest sang mga katapo sang Roxas City Police Station (RCPS) sa Pueblo de Panay, Brgy. Lawaan, Roxas City sang tinalikdan nga Hulyo 30.
Ginkilala ang akusado kay alyas “Eduard”, 60-anyos, mamumugon kag residente sang Purok I, Brgy. Libas sining syudad.
Nagapangatubang ini sang kaso nga Homicide kun sa diin ang warrant of arrest ang gin-isyu kag ginpermahan ni Judge Lorencito Belo Diaz, Regional Trial Court, Branch 17, Roxas City napetsahan Hulyo 29, 2024.
Ginrekomendar sang korte ang piyansa nga P120,000 para sa temporaryo nga kahilwayan sang akusado. Sa karon, nagapabilin ini sa kustodiya sang RCPS para sa nagakaigo nga disposisyon. | Judy Ann Juare
