Arestado ang isa ka truck driver matapos ginserbihan sang warrant of arrest sang katapo sang Roxas City Police Station sa Pueblo de Panay, Brgy. Lawaan, Roxas City sang tinalikdan nga Hulyo 30.
Ginkilala ang akusado kay alyas “Rome”, 25-anyos, residente sang Brgy. Jalas Villaba, Leyte.
Naglapas ini sa City Ordinance may kaangtanan sa truck ban kun sa diin ang warrant of arrest ang gin-isyu kag ginpermahan ni Judge Jennie Ann Tayag Logronio, Municipal Trial Court in Cities, Branch 1, Roxas City napetsahan Hulyo 30.
Ginrekomendar sang korte ang P3,000 nga piyansa para sa temporaryo nga kahilwayan sang akusado.
Sa karon, nagapabilin ini sa kustodiya sang Roxas City Police Station para sa nagakaigo nga disposisyon. | Judy Ann Juare
