Ipinaalam na sa pamilya kagabi, ika- 16 ng Agosto ang autopsy result sa katawan ng Palaweño na Overseas Filipino Worker na si Mrs. Riolyn Saldivia na namatay sa Saudi noong July 16, 2024.
Ayon sa pamilya, ipinabatid sa kanila na nagkaroon umano ng “blood-clot” at lumaki ang puso ng OFW na maaaring resulta ng sobrang pagod o stress.
Nagsimula itong mag-trabaho sa Saudi noong Nobyembre 2023 bilang Domestic Helper ngunit wala raw itong day-off.
Nalaman na lang ng pamilya na patay na si Riolyn bago ito makarating ng ospital sa Saudi.
Kasalukuyang, nakaburol sa Sofronio Española si Riolyn at ililibing siya sa susunod na Sabado, ika- 23 ng Agosto.
