Patay ang usa ka senior citizen homan gipusil sa wala mailhing suspetsado pasado alas 6 kagahapon sa buntag sa So. Antubayon Brgy. Laga-an Calatrava Negros Occidental.
Naila ang biktima nga si Fructoso Patubay Sr.,63 anyos,minyo,mag-uuma,residente sa nasampit nga lugar samtang ang suspek wala mailhi.
Sa pakighinabi sa Brigada News Team kang PCAPT. Jess Alba Deputy Chief of Police sa Calatrava Municipal Police Station samtang ang biktima miadto sa iyang umahan aron mamakiro sa iyang kahayopan kalit gipusil sa wala mailhing mamumuno.
Dugang pa ni PCAPT. Alba base sa nadunggan sa pamilya daghang buto sa armas ang ilang nadungog gikan sa maong dapit diin didto ang biktima ug dali silang nisusi apan pag-abot nila sa lugar nakita nilang nagbuy-od na ang ilang amahan nga adunay dugo.
Gidala sa Calatrava District Hospital ang biktima apan gideklara dead on arrival sa attending Physician.
Nakaangkon ug mga samad pinusilan sa nagkalain-laing parte sa iyang lawas ang biktima nga maoy hinungdan sa iyang hinanaling kamatayon.
Sa karon padayon pa ang gihimong imbestigasyon sa kapolisan aron mailhan ang motibo ug responsable sa maong pagpamusil.
Gikan sa: Calatrava Police Station
