Handa ang Senate Committee on Public Order and Dangerous Drugs na muling buksan ang imbestigasyon sa pagpatay kay Negros Oriental Governor Roel Degamo.
Sinabi ni Senator Ronald Dela Rosa, na namumuno sa panel, na sa pagkakataong ito, maaaring handa nang iharap ng Department of Justice ang mga suspek sa komite.
Noong Lunes, hinimok ni Sen. Alan Peter Cayetano ang komite ni Dela Rosa na muling buksan ang inquiry na may partisipasyon ng Committee on Justice and Human Rights.
Mula nang isara ni Dela Rosa ang pagdinig, ibinahagi ni Cayetano na apat sa mga suspect-witness ang binawi o nag-recant sa kanilang naunang testimonya na nagsasangkot kay suspended Congressman Arnolfo Teves Jr. sa nasabing pagpaslang.//CA
