‘Wherever there is POGO, there is crime’
‘yan ang paniniwala ni Senate Deputy Minority Leader Risa Hontiveros matapos ang panibago na namang na-raid na Philippine Offshore Gaming Operator (POGO) hub sa Porac, Pampanga.
Bago pa ito ay may una na ring na-raid na POGO hub sa Bamban Tarlac na pugad umano ng love scam at cryptocurrency scam.
Samantala, ilan naman sa mga paulit-ulit at karumal-dumal umano na krimen na nakita sa POGO hub sa Pampanga ang scamming, torture at human trafficking.
Anya, nakakalungkot man na nagkaroon ng pagtakas ang ilang Chinese sa lugar ay sisiguraduhin nilang pananagutin nila ang nakipagsabwatan dito at nag-leak ng impormasyon sa gagawing operasyon.
Dagdag pa niya, titiyakin nilang makuha ang hustiya rito para sa lahat ng mga victim-survivors na nakaranas ng pang-aabuso at pansasamantala.
