Mag-aapruba ng resolusyon ang Senado laban sa panghihimasok ng China sa West Philippine Sea (WPS).
Ayon kay Senate President Juan Miguel “Migz” Zubiri, magiging ‘strongly worded’ o may matatapang na salita ang resolusyon na tinatarget nitong pagtibayin sa Martes sa susunod na linggo.
Ani Zubiri, panawagan nilang idulog ang naturang resolution sa United Nations Assembly (UN) na naglalaman ng pinaggagawa ng China sa WPS.
Dagdag pa ng senate president, ipapahayag nito ang pagkundina, pagkadismaya, at galit ng mga senador at sambayanang mga Pilipino sa paulit-ulit ng pag-atake ng China sa Pilipinas.
