MALINAWON ug hapsay ang kasaulogan sa bag-ong tuig kini ang gibutyag ni PLt. Clarizel Perez, tigpamaba sa General Santos City Police Office (GSCPO), human nga walay natala nga krimen ang kapulisan.
Sumala niini gitutokan sa mga otoridad ang tanang lugar sa syudad aron kumpiskahon ang tanang baligya nga iligal nga pabuto.
Nakatabang usab kini sa pagkatala og zero case injuries nga nalambigit sa firecracker incident.
Nagbantay usab ang tanang sakop sa kapulisan sa mga kadalanan aron mamintinar ang hapsay nga dagan sa mga sakyanan, ug masita ang mga violators nga motorista.
Dugang niini, dako ang pasalamat ni City Director PCol. Gilberto Tuzon, tungod sa hugpong pwersa ug pagtinabangay sa tanan aron mamintinar ang kalinaw sa syudad.
Sa karon, alerto ang tanang sakop GSCPO aron masiguru ang seguridad sa tanang katawhan ug mapaubsan ang mga kriminalidad. I Enamie Mogpon
