NAG-AWHAG si Dr Fidel Peñamante Presidente sa Philippine Medical Association Gensan- chapter sa tanan nga ipadayon ang nasugdan nga pagpabakuna karon nga tuig, human nakagawas ang daghang tawo sa mga pampublikong lugar dungan sa Holiday season.
Bisan ubos ang natala nga kaso sa Covid-19, apan siguraduhon nga protektado ang lawas batok sa sakit pinaagi sa pagpabakuna.
Sumala ni Dr. Peñamante taas nga higayon ang pagka-expose sa mga tawo ngadto sa mga mall, ug uban pang public places ug wala masayri kong bakunado na ba ang tanan. Busa kinahanglan siguruhon ang pagdawat sa bakuna sa mas dali nga panahon aron maprotektahan ang lawas.
Nagpadayon na karon sa mga Rural Health Unit (RHU) ang vaccination drive.
Sa kasamtangan, naa pa lang sa 62.85% o 288, 919 ang fully vaccinated sa Gensan, samtang 78.73% o 361, 950 ang nakadawat sa first dose gikan sa 452, 732 nga target population.
