All systems go na ang ipatuman nga seguridad sa Cagayan de Oro City Police Office sa distribusyon sa Enhanced Community Quarantine Special Ayuda dinhe sa syudad nga sugdan karong adlawa.
Matud ni COCPO Spokesperson Police Major Evan Viñas nga matag team nga muadto sa usa ka barangay dunay kuyog nga igong pwersa sa kapolisan.
Gawas niini, hugot sab ang pagbantay sa Mobile Patrol Unit ug City Mobile Force Company.
Katuyuan niini nga masiguro ang seguridad sa katawhan ilabi na sa mga cashiers.
Malaumon sab ang kapolisan kaabag ang ubang counterparts nga mahimong hapsay ang distribusyon.
Panawagan sab sa COCPO ilabi na sa mga benepisyaryo nga sundon ang mga gabayan batok sa COVID-19, ilabi na nga adunay bahad sa Delta variant sa syudad.
