Hugot nga gipatuman sa Task Force Davao ang security measures sa boarder control points sa Davao Region.
Kini human sa nahitabong Rural Tours Bus Bombing sa Parang Maguindanao nga gika-angol sa upat (4) ka mga pasahero.
Nangayo daan og dispensa si Col. Darren Comia, Commander sa Task Force Davao sa mga byahero nga malangay tungod sa hugot nga pag-rekisa sa mga pasahero, aron lamang nga masigurong walay dautang makasulod sa Davao City.
Dako sab nga tabang ang Davao river ug maritime patrol nga padayong gihimo, lakip na ang foot patrol ug mobile patrol sa syudad aron nga malikayan ang bisan unsang dili maayong panghitabo.
Dugang pa ni Col. Comia nga 3 layers ang ilang gihimong lakang aron nga mamonitor ang si kinsa mang musulod sa dakbayan sa Davao.
Gipasalig sab sa opsiyal nga walay direct threat nga nadawat ang syudad.BNFM-DAVAO
