Nagpagawas og abiso ang Enforcement and Investor Protection Department, ug Financing and Lending Companies Division sa Securities and Exchange Commission (SEC) batok MALASAKIT LENDING CORPORATION / UNA SA MALASAKIT MICROFINANCE INC.
Giklaro sa SEC-Davao nga dili konektado si Senador Christopher Lawrence “Bong” Tesoro Go human nga gigamit ang iyang hulagway sa facebook page sa maong korporasyon.
Wala hatagi og katungod sa senador nga gamiton sa maong grupo ang iyang hulagway isip kabahin sa ilang marketing o advertising strategy.
Base sa impormasyon nga nadawat sa komisyon, nga pipila ka indibidwal o grupo nga representante sa MALASAKIT LENDING CORPORATION / UNA SA MALASAKIT MICROFINANCE INC. ang gaagni sa publiko nga mu-appply og loan pinaagi sa ilang Facebook page.
Gipahimangnuan na lamang ang publiko nga magbinantayon og dili magpadani sa susama niini nga scheme.
