Nangangamba na ngayon ang mga seaweeds farmer mula sa Barangay Calawag Taytay Palawan sa epekto ng Oil spill sa kanilang kabuhayan.
Ayon kay Rowena Olingay Agnes, malapit na sa kanilang pananim na seaweeds ang oil spill.
Aniya, kalalagay lamang nila umano ang kanilang seaweeds kaya’t wala sila umanong mapapakinabang kapag kinuha agad nila ito.
Dagdag pa ni Rowena, nagharvest na umano ang ibang mga seaweeds farmer ng kanilang pananim dahil sa takot na maapektuhan ng oil spill.
Gayunpaman, umaasa sila na may tulong na ibibigay ang lokal na pamahalaan para sa kanila bunsod ng nararanasan.
