WELCOME sa Commission on Human Rights (CHR) 12 ang desisyon sa Supreme Court (SC) sa pag-require sa law enforcement. Sa pagsuot og body –worn cameras sa ilang mga operasyon aron matanggal na usab ang duda sa matag operasyon.
Matud ni Keysie Gomez, tigpamaba sa CHR-12 makatabang sa mga nag-imbestiga sa ‘drug war’ sa gobyerno partikular na ang komisyon. Ang mandu sa SC aron mapanubag ang mga posibleng milapas sa balaud sa ngalan sa giyera kontra iligal nga droga.
Sa karon, giangkon niini nga dili pabor sa mga biktima ang nahitabo tungod bisan sila ang naglisod og kuha og dokumento kalabut niini. Una nang nga gibasura sa korte sa GenSan ang aplikasyon sa kapulisan sa pag-apply og search warrant alang sa binulan nga Simultaneous Anti Criminality Law Enforcement Operation (SACLEO).
Human rekisitos na sa pagpahigayon og operasyon sama sa buy bust, pagpatuman sa search warrant ug pagsilbi og warrant of arrest ang body-worn cameras.
Matud ni PLt. Clarizel Perez, tigpamaba sa GSCPO dunay 16 ka body camera nga alokasyon ang kapulisan sa dakbayan. Apan dili pa kini magamit gilayon tungod sa pagbansay sa mosuot ug pagkadepektibo sa naabot nga cameras nga kasamtangang giayo sa IT. ( Richel Gubalani)
