RIGODON o reshuffling sa committee chairmanship ang usa sa mahitabo sa sesyon sa konseho sa GenSan karong adlawa. Matud ni Konsehal Jose Edmar Yumang, 2019 pa niini gisumite ang resolusyon nga nagdeklara sa mga komitiba sa konseho isip ‘vacant’.
Tungod base sa ‘internal rules’ nila naa lang sa usa ka tuig ang paggunit sa mga konsehal sa komitiba. Apan tungod nakalimot siya wala kini naduso ug mihangyo og 30 kaadlaw nga lugway ang mga konsehal ug karon hisgotan na kini.
Ang lakang ni Yumang ang gipalagan ni Konsehal Franklin Gacal Jr., nga kasamtangang naggunit sa committee on finance. Gikwestyon niini ang ‘timing’ sa paghisgot sa reshuffling nga wala siya ug dili matud pa makahulat sa Setyembre pag-uli niya.
Gihingusgan ni Gacal Jr., nga ‘foul’ kini ug pagpangluba sa likod ang gihimo tungod siya ang punting pahawaon sa iyang komitiba. Una nang, migula ang impormasyon nga giduso karon sa konseho ang resolusyon nga nagtugot sa LGU sa pag-loan og P2 bilyon alang sa gikaengong planong mga proyekto sa siyudad. ( Richel Gubalani)
