Niluwagan ng Supreme Court ang isa sa kanilang mga polisiya para sa nalalapit na Bar examinations, kung saan papayagan na ang mga test takers na itago ang law-related files sa kanilang laptops para sa last-minute review.
Sa inilabas na bulletin, sinabi ni Associate Justice at Bar Exams Chairperson Marvic Leonen, na maaring gumamit ang mga examinees ng laptops para ma-access ang kanilang mga reviewers, sa oras na matapos ang kanilang health at security check, o kapag lunch break.
Dagdag nito, papayagan silang gawin ito hanggang sa 30 minuto, bago mag-ring ang first ring (7:30 a.m. at 1:30 p.m.)
Samantala, nagpaalala naman si Leonen na ang mga reviewers ay dapat i-save sa local folders sa laptops, dahil ang pag-gamit ng internet ay hindi ipinapahintulot, maliban sa pag-download ng exam file at magsumite ng sagot.
Ang anumang tangka na pag-connect sa internet para sa hindi otorisadong layunin, ay maikokonsiderang “cheating.” //MHEL PACIA-TRINIDAD
