LEGAZPICITY – Makondusir nin satellite voter’s registration an Commission on Elections (COMELEC) Libon sa manlain-lain na barangay sa banwaan.
Pupunan ini ngunyan na aldaw sa Brgy. Talin-Talin, saaga naman Hunyo 14 sa Brgy. Buga, masunod sa Hunyo 18 sa Brgy. West Carisac, Hunyo 19 sa Brgy. Santa Cruz asin Hunyo 20 naman sa Brgy. Malabiga.
Mientrastanto, segun kay Election Officer Alfredo Bas Jr. dagos dagos man an pag-iskedyul kan siring na aktibidad kan COMELEC Oas kun sain ugwang nakaiskedyul sa Hunyo 26 asin 27 sa Brgy. Cagmanaba kan banwaan.
Sa ngunyan, pigeengayar kan opisina an publiko na magpartisipar digdi nganing mas mapadali an proseso nin pagparehistro para sa nararaning borotohan.
