GIKUMPIRMA ni Sarangani Provincial Hospital Chief Dr. Aileen Brion nga gibisita sa taga-Deprtment of Health (DOH) 12 ang maong balay tambalanan aron nga i-monitor ang ilang laboratoryo.
Gipaklaro niini nga isip naga-upgrade nga hospital gikinahanglan na ang clinical tertiary nga buot ipasabot nga kumpleto na ang mga gamit ug apil na niini ang alang sa biopsy.
Saysay pa sa doktor nga ginamonitor usab ang may kalabotan sa gakahitabo sa laboratoryo ug ang pag-atiman ug serbisyo nga ginahatag ngadto sa katawhan sa nahisgotan nga probinsya.
Dugang pa ni Dr. Brion nga may suhestyon usab ang taga-rehiyon nga mas-labing maayo nga mabutangan og blood bank ang maong hospital nga maoy butang nga ilang paningkamotan tungod kay usa usab kini sa ilang ginapangandoy. I Danny Casi
