GIKUMPIRMA sa labaw sa Waste Management Office kun WMO Nonoy Pareja nga anaa na sa overcapcity ang sanitary landfill sa GenSan sa Barangay Sinawal.
Segun ni Pareja nga anaa sa tulo ka tuig ang lifespan sa landfill apan lampas na ang paggamit niini hinungdan nga misulat na kini sa mayor sa syudad aron mapalit na ang mga heavy equipments nga gamiton sa landfill.
Progressive type matud pa ang landfill asa kung napuno na ang usa ka cell, mahimong maghimo og ikaduha.
Sa karon napuno na ang usa ka cell nga ginabutangan sa basura inay nga duha ka cell unta nga good for 6 years apan tungod na-downsize, usa lang ang nahimo ug kini overcapacity na.
Dugang ni Pareja nga may kapin sa P400 million nga utangon ang syudad asa lakip sa P1.9 billion alang sa pagpalit og heavy equipments nga gamiton sa landfill.
Gawas niini, nagahulat usab si Pareja nga matuman na ang PPP o Public Private Partnership sa operasyon sa sanitary landfill sa dakbayan aron mas hapsay gawas pa nga kadaghan ang basura sa syudad ning panahuna.
Photo File: Sanitary Landfill
