MOKABAT sa pito ka mga proyekto ang na-revert tungod sa gigamit ang pondo alang sa mga programa sa LGU- GenSan sa COVID-19 response.
Kini ang gikumpirma ni Engr. Emerald Signar, labaw sa City Engineers Office nga ang maong pito ka proyekto ang pagatukuron pa sama sa Almaga creek nga tukuran og box culvert, tulay ug streetlight ingon man ang MSME building nga may inisyal nga pondo nga P5 million.
Apan gitino ni Signar nga ang maong mga proyekto nga gi-revert ang subay sa pagtugot sa local development funds.
Ang Queen tuna park development ang wala maapil sa local development fund ingon man ang traffic signalization.
Ang maong mga proyekto nga ipatuman karong third quarter ang dili usab mapadayun tungod sa kasamtangang sitwasyon hinungdan gilauman nga sa sunod tuig na kioni maimplementa. Sa pagkahibalo usab ni Signar, mokabat sa P100 million pesos ang budget sa mga na-revert nga proyekto ug naapil sa supplemental budget number 3 gikan sa mokabat sa P170 million tungod sa iyang paghangyo.
