Nabiktima it pekeng P1,000 bill ru sangka negosyante sa Barangay San Dimas, Malinao, Aklan matapos nga mag bayad sa sangka ahente it sigarilyo.
Suno kay Mr. Demetrio “Emet” Ibao, 53 anyos sa BRIGADA News FM Kalibo, may nag bakae kana sa anang baraka gamit ru pekeng kwarta ag raya man sigun ru anang gin bayad sa sangka ahente.
Ru peke nga P1,000 bill hay sa kustodiya eon sa makaron it San Dimas Barangay Council agud maga silbing awareness sa iba pang mga residente.
Dugang pa ni Ibao, una eon imaw man nga natakawan it cash nga naga balor it P23,000 bago pa man ru insidente.//MARIVIC Y. ILIN
