KALIBO, AKLAN — Nagreklamo ro sangka eaeaki matapos segun nga kumuson ro anang barangay clearance it sangka empleyado it LGU Kalibo.
Sa interview it Brigada News FM Kalibo sa complainant nga si Christopher Victoriano, gusto nana nga magsaylo iya sa Kalibo para iya eon imaw maging botante.
Nagbuoe si Victoriano it barangay clearance sa Brgy. Hall it Kalibo ag ginpirmahan man raya ni Kapitan Neil Candelario.
Gindaea nana raya sa Munisipyo it Kalibo kung siin, tatlong beses pa segun imaw igto nga nagpabalik-balik.
Ka’t tan-awon segun raya ku anang ginareklamo nga si Bert Villanueva, gulpi eon lang kinumos ro anang barangay clearance ag gin-itsa sa lamesa.
Gusto eang man segun ni Victoriano nga maging botante it banwa it Kalibo ag kunta segun kung may kueang pa sa anang dokumento hay gin-assist eon lang imaw ni Villanueva kesa sa kumuson ro anang clearance. / ANN DESLENE SALAZAR
