MAY gisundan nang indibidwal ang San Isidro Police station nga responsable sa pagpusil patay sa usa ka pintor sa Purok Bayanihan, Barangay San Isidro.
Kini pinaagi sa testigo nga nakahatag og impormasyon sa kapulisan human sa insidente. Nagpadayon ang pagpangita sa suspek nga nakasibat human sa pagpusil patay sa pintor nga si Jepoy Durban, hamtong ang panuigon, residente sa nahisgotang lugar.
Samtang crime of passion ang usa sa mga gisundang motibo sa kapulisan sa maong pagpamusil. Ug giimbestigahan nila ang motorsiklo nga gisakyan sa suspek nga nahibilin sa usa ka lugar sa GenSan.
Kahinomdoman wala nay kinabuhi nga naabtan sa mga otoridad ang biktima nga naghapa human gipusil sa armadong tawo sa iyang pinuy-anan. I Enamie Mogpon
