TAKDANG pulongon sa bag-ong labaw sa kapulisan sa Soccsksargen ang mga opisyal sa Police Regional Office (PRO) 12 karong adlawa.
Kini usa kaadlaw human milingkod sa pwesto isip bag-ong regional director sa PRO-12 si Brig. Gen. Percival Augustus Placer.
Matud ni Placer, buot niyang maila ang mga miyembro sa regional staff lakip ang mga city ug provincial director.
Dugang sa opisyal nga kinahanglan niya masayran ang mga katikaran sa operasyon ug administrative sulod sa PRO-12.
Samtang sa hisgotanang reshuffling, gibutyag ni Placer nga sutaon pa niya ang nahimong performance sa mga sakop.
Kahibaloan nga si Col. Samuel Cadungon, director sa South Cotabato Provincial Police Office (SCPPO) ang ulahing labaw sa police office nga gituboy sa retired Brig. Gen. Jimili Macaraeg. I Richel Gubalani
