Naka angkon it kasamaran sa waea nga bumper ru saeakyan ni Brgy. Kagawad Kim Melgarejo it Kalibo matapos mabangaan it tricycle sa D. Mabini St., Kalibo, Aklan kahapon.
Sa imbistigasyon, naga guwa eon konta sa sangka establishment sa Kalibo ru saeakyan it konsehal kat gulping binanggaan it tricycle nga gina maneho it sangka menor de edad.
Gina maneho it 17 anyos nga binatilyo ru tricycle ag residente it Brgy. Andagao Kalibo angkas ru 16 anyos nga taga-Brgy. Mabilo New Washington.
Bangud sa mabaskog nga impact sa pagka bangga, naka angkon it lastro sa kaeawasan ru pasahero nga sangka 16 anyos.//MARIVIC Y. ILIN
