Sa idaeom it Executive Order 206 it probinsiya it Antique, tanan nga Department of Tourism (DOT) Accredited establishments sa lugar hay pwede eun nga mag-operate sa idaeom it Alert Level II Classification.
Ro mga indibidwal nga gusto magbiyahe sa Antique nga residente it Western Visayas hay kinahangean eamang nga magpakita it valid ID, vaccination certificate o medical certificate, ag proof of reservation halin sa DOT-accredited destinations.
Samtang, ro mga turista man nga halin sa maeain-eain nga parte it nasyun hay kinahangean nga mag-apply para sa SPass agud makasueod sa probinsiya
Para man sa mga turista nga taga-Antique, kinahangean eamang nga magpakita it valid ID sa pagsuoed sa mga tourism sites ag establishments.
Ro mga aktibidad nga ginapasugtan sa DOT-Accredited tourism sites hay ginakaeakipan it swimming, snorkeling, kawa hot bathing, kayaking, ag trekking.
Dugang pa dikara, pwede eun nga magbukas ro mga accommodation establishments ag restaurants kasunod sa mga guidelines it DOT./JIL B. LACSON
