DAKPAN sa Fatima PNP ang upat ka mga lalaki unya nakuha ang duha ka manok panabong sa ulahing Anti Illegal Gambling Operations Hunyo 30 sa hapon.
Subay sa talaan sa presento syete gironda sa hiniusang pwersa sa kapulisan ang sabungan sa Purok 11-C Block-3 ala una sa hapon adlaw nga Miyerkulis.
Ang resulta dakpan silang Gaudioso Escoto, 33-anyos, minyo, trisikad driver, Dondon Acedo, 38-anyos, minyo, trisikad driver, Jake Cuna, 21- anyos, ulitawo ug Dodong Gapas, 25-anyos, nakuha usab sa kapulisan ang duha ka manok panabong nga may mga samad ug may naka-ungot pa nga bulang sa isig ka wala nga tiil pangahig. Nakuha usab sa pulis ang salapi nga mokabat sa P550 pesos nga gituhoang pusta sa niapil sa sabung, gidala sa Dr. Jorge P. Royeca Hospital ang upat ayha gibutang sa selda samtang gi-andam ang kasong may kalabotan sa Presidential Decree 1602 batok sa upat ka dinakpan. ( Ever Diazon)
