PATAY na sa dihang napalgan ang usa ka lalaki sa Barangay Calumpang, Hunyo 27 sa buntag.
Subay sa talaan sa Tambler PNP pasado alas nuebe sa buntag niadto sa estasyon ang usa ka nagpangalang Benjie Oracoy nagpatabang kay adunay daw napalgang patay sa ilang lugar.
Gi-adtuan sa patrol ang panimalay Ug nasuta nga tinuod ang taho sa impromante.
Sa imbestigasyon nailhan ang patay nga lawas nga si Daryl Duce, 35- anyos, ulitawo nga nagatrabaho sa Philbest Canning.
Sumala sa pulis ang inahan ang unang nakakita sa anak nga nagahigda sa katulganan nga wala na naga lihok, sa pagsusi sa kapulisan wala usab nakitang foul play sa mao nga hitabo ug natural lang ang kamatayon ni Duce.
Gi-asikaso na usab sa pamilya ang patay nga lawas sa canning worker. ( Ever Diazon)
