GIPAILAWOM sa duha kaadlaw nga ‘lockdown’ ang buhatan sa National Bureau of Investigation- Sarangani District Office (NBI-SARDO). Human nasuta nga positibo sa Covid-19 ang babayeng empleyado sa nasangpit nga ahensiya sa GenSan.
Matud ni Atty. Regner Peneza, labaw sa NBI-SARDO gipailawom sa swab test ang tanang niyang sakop rason sa ilang paglockdown. Ang lockdown ang nagsugod gahapon (Hulyo 01, 2021) hangtud sumala pa niini karong adlawa (Hulyo 02,2021).
Gipa-disinfect na usab ni Peneza ang tibuok buhatan aron malikayan ang posibleng pagtakboy sa uban sa nahisgotang virus.
Kahibaloan nga nakatala na og 688 aktibong kaso sa Covid-19 ang GenSan ug gikonsiderang ‘high risk’ rason sa pagpailawom sa General Community Quarantine (GCQ). (Richel Gubalani)
