Pormal nang idineklara ng Russia ang pag-annexed nila sa apat na inokupahang rehiyon sa Ukraine sa kabila ng pagkondena ng international community.
Kaugnay nito ay nilagdaan ni Russian President Vladimir Putin ang accession treaties sa mga Moscow-installed leaders sa isang seremonya sa Kremlin’s opulent St. George’s hall.
Sa harap ng maraming miyembro ng political elite, idineklara ni Putin na “forever” na bahagi na ng Russia ang apat na rehiyon.
Tinawag naman ni Nato Secretary-General Jens Stoltenberg ang pag-annexed ng Russia sa Ukraine territory na “most serious escalation” sa sinimulan nilang giyera noong Pebrero.
Inakusahan naman ni US President Joe Biden si Russian President Vladimir Putin ng “fraudulent attempt” sa pag-claim sa Ukrainian territory.
Binigyang diin naman ni European Commission President Ursula von der Leyen na walang anumang pagbabago sa kahit na anuman ang illegal annexation na idineklara ni Putin.
Maging si French President Emmanuel Macron ay nangakong mananatili sa likod ng Ukraine sa laban nito sa pananakop ng Russia.
