LEGAZPI CITY – Piglalaoman kan nagkapirang mga paratinda nin burak sa Daraga na saaga pa o mismong aldaw kan undas magkakaigwa nin pagruso kan mga mabarakal nin burak.
Segun kay Ruth Espinas, presidente kan Daraga Flowers and Ornaments Vendor Association, igwa man ki mga nagpa-reserve na asin dai na hinalat pa an mismong aldaw nganing ipi-pick up na sana asin dai maubusan.
Saro pa sa mga rason an paglangaw kan presyo mantang paparani an undas.
Kun magigirumduman, huli ta may mga residenteng mas piniling dai na abuton kan paglangkaw kan presyo kan burak, buminadol na sa P30,000 an kantidad kan mga pig-pareserbang burak sa naunambitang banwaan para sa papaabuton na undas.
