Ginsabat ni TATC Market Administrator Heloise D. Mendoza ang pila ka reklamo sang mga vendors nga mahinay nga pagbaligyaanay kag gamay nga manogbakal.
Suno sa iya, madamo sa gihapon ang nagabakal sa merkado apang posible nga ginakomparar sang mga manogbaligya ang ila pagbaligyaanay sa tion sang wala pa ang pandemya.
Dugang pa, madamo sang factors nga nagaapekto sini kaangay sang redevelopment sa mga dalanon nga ‘inconvenient’ na para sa mga manogbakal, kasubong man sa kakulangan sang parking space kun sa diin, mga vendors ang kalabanan nga nagasakop sa parking space.
IIya man sini ginapanugyan sa mga manogbaligya nga imintinir ang pagbaligya sang maayo, kag mangin responsable nga vendor.
Matandaan nga sang nagligad nga senema, ginareklamo sang mga taga-TATC ang nagabaligya sa nagakalainlain nga talitapa sa mga kabarangayan.| Frances Joy Preciosa
