LEGAZPI CITY – Pigpasar kan Sannguniang Panlunsod kan Legazpi an resolusyon nag magtatao nin pagbisto asin komendasyon pagkatapos na matrayumpong nakasabay an Albay Young Farmers Onrganization, Inc. na saro sa 2022 Ten Accomplished Youth Organizations (TAYO) sa nasyon.
Basado kay Committee Chair kan Agriculture and Food, Coun. Ismael Buban IV, maogma an bilog na sanggunian sa huli sa akomplisimento kan nasambitan na organisasyon.
Ipinaaram niya man an mga nagkapirang naresibeng awards ka ini na iyo an TAYO Video Sprint 1st Runner-up, Adhika Fellowship Grant Award asin an San Miguel Better World Award sa pigsagibong 20 TAYO Awards sa Diamond Hotel sa Roxas Boulevard, Manila kan Marso 11 sa presenteng taon.
Bilang pagrepresenta man sa sektor kan agrikultura asin jovenes, ipinaabot man ni Joshua Barcelon, an namamayo kan organisasyon an saiyang pasasalamat asin kaogmahan na makua liwat an TAYO awards sa nakaaging 18 taon.
Sa ngunyan, pigtawan niya man nin duon an saindang masunod na lakdang para sa pagpaauswag sa ladong agrikuktura asin para sa mga jovenes. | WENCY LISAY
