WALA makita ang bulan mao nga Marso 23 sa kaadlawon ang pagsugod sa puasa sa mga Muslim sa General Santos City.
Sa impormasyon gikan kay kanhi National Commission on Muslim Filipino Atty. Guialil Kanda gisulti niini nga wala makita ang bulan sa tulo ka dapit nga adunay moon sighting, una sa Lanao, ikaduha sa Basilan ug ikatulo sa Maguindanao.
Tungod niini ang advisory gikan sa BARMM Darul Ifta sa Marso 23 na magsugod ang ilang gipaabot nga bulan sa Ramadan,dinhi usab ang ilang pag puasa sa adlaw unya mokaon sa gabei.
Gidugang ni Kanda nga kasagaran sa bisperas nagapangandam sila ug ang uban maligo pa sa dagat samtang naga andam usab sila sa ilang mga mosque alang sa pag ampo.
Sumala sa usa ka inahan nga si Naheya Casir nga taga Cabe Subdivision, Brgy. Bula,andam na siya sa pagpuasa ug ang iyang mga pag ampo sama sa kalinaw ug kapasayloan sa mga sala. I Ver Diazon
