GIPASIGURO ni Councilor Richard Atendido nga nagairog ang ginaduso niini nga regulasyon sa mga nalambigit sa pagbaligya og pastil sa syudad.
Segon niini nga kinahanglan nga magbutang og karatola ug klaro nga pastil ang ibaligya aron nga dili masipyat ang mga wala nagakaon og nilutong karne sa baboy.
Gipaklaro niini nga giduso ang maong ordinansa human sa reklamo nga mipalit og ginatawag nga binalot ug gihimong tappings niini ang ginadili ngadto kanila.
Kalabot sa maong ginaduso, gipamahayag ni Councilor Beth Bagonoc, chairman sa Committee on Health nga suportado niini ang maong ordinansa tungod nga tumong niini ang kaayohan.
Samtang si Gloria Senti nga dugay na nga nagabaligya og pastil ang walay supak sa maong lakang dungan sa pagdayeg nga adunay mga inisyatibo nga ginahinmo ang gobyerno. I Danny Casi
