NAGAPANAWAGAN ang labaw sa Red Cross GenSan sa mga regular donors sa dugo nga moadto na sa ilang opisina aron magdonar gumikan kanselado ang duha nila ka scheduled bloodletting activity ug kulang ang supply sa dugo.
Sa pahayag ni Red Cross Gensan Chapter Administrator Merly Gludo wala nadayon ang ilang bloodletting activity sa Malapatan gumikan may problema sa pondo unya wala usab nadayon ang laing bloodletting gumikan walay doctor kay niadto sa vaccination activity.
Samtang nagmalampuson ang ilang activity sa Malungon ug nakakuha og kapin 20 ka bag samtang nanghinaut usab si Gludo nga mapadayon ang mga programa sa ubang mga grupo aron makadugang sa supply sa dugo.
Sa karon dili moubos sa 40 ka bag ang gikinahanglan sa GenSan matag adlaw gumikan sa managlahi nga mga sitwasyon sa pasyente, usa na dinhi ang mga kaso sa bleeding gumikan sa mga disgrasya sa kadalanan. I Ver Diazon
