‘Brigada stop telling lies, is libelous.’ Kini ang nahimong tubag ni Brigada Elmer V. Catulpos ngadto sa post nga makita sa fb page ni Cong. Shirlyn Bañas Nograles.
Gitino ni Brigada Elmer nga aminado siya nga nalain siya sa pasangil dili ngadto sa kompanya apan sa mga naglangkob sa Brigada, mga empleyado ug mismong katawhan nga nagasuporta sa Brigada tungod wala namakak ang kompanya o istasyon, gawas lang sa isyu nga gituki apan kung gusto nilang mutubag, abli usab ang sibyahanan.
Dili matud pa siya onion skinned sama sa mga anaa sa poder ug kini magpadala sa maong arogante nga pamulong nga dili angay tubayan.
Dugang niini isip usa ka pribadong tawo, wala kini accountability sa panggamhanan, gawas sa iyang kaatbang nga dugay na sa pwesto ug kung may mutumaw nga isyu sa kurapsyon batok kanila, angayan lang tubagon.
Gikasubo usab ni Brigada Elmer nga ipasumangil kaniya ang paghimo og isyu batok sa iyang kaatbang sa pulitika nga kung hunahunaon plataporma lang ang ginadala niini sa pakighimamat sa katawhan.
Mismo matud pa ang kaatbang niini ang gahimo og isyu ug ipahid kaniya aron siya dauton ug makakuha og atensyon sa katawhan. Sa pagka ndidato niini, gusto lang ipresenta ang kaugalingon sa katawhan ug anaa na sa katawhan ang pagpili tungod alang kaniya, ang tumong lamang mao ang pagtabang sa paghaw-as sa kalisod sa katawhan pinaagi sa bag-ong formula ug vision nga gustong ipa-ambit.
