NAKADAWAT og Exemplary Leadership Award si Rotary Club of Dadiangas President Yelcy Yasay-Catulpos pinaagi sa Rotary District 3860.
Ang pasidungog gihatag gumikan sa talagsaong achievement nga nakamugna og mga opurtunidad alang sa Rotary nga makabag-o og kinabuhi.
Ang award ang gitunol atol sa usa ka online ceremony adlawng Sabado, Hunyo 26.
Hugot kining gipasalamatan ni YYC pinaagi sa iyang Facebook post, kinsa mao gayud ang nanguna sa mga kaubanan aron makahimo og nagkadaiyang proyekto alang sa komunidad ug mismo sa Rotary.
Dugang ni Mrs. Catulpos, ang anaa sa ilang hunahuna mao ang makahimo og mga butang nga makatabang sa uban ug makabilin og marka dili lamang alang sa club apan lakip na sa mga katawhan nga ilang ginasilbihan ug kung unsaon kini makatabang aron makaangkon og kabag-uhan ug kalambuan ngadto kanila.
Gawas sa pasidungog nga gihatag sa kapikas sa kinabuhi ni Brigada Group President/CEO Elmer V. Catulpos, ang nakadawat ang Rotary Club of Dadiangas nakadawat usab og Rotary Transforming Club Award, Best Service Project Supporting the Environment, Best Service Project in Water and Sanitation, ug Best End Polio Public Image Campaign sa Area 3 Mindanao.
Nakadawat usab si RC Dadiangas ng Club Bulletin Distinction Award, Membership Development Achievement Award, ug Significant Contribution Award.
“These awards are a manifestation that, inded, we were able to achieve what needs to be done and made a mark as true Rotarians. This is a victory for us all,” dugang pamahayag ni YYC.
Dungan niini, gipadayag usab ni Mrs.Catulpos ang iyang hugot nga pagpasalamat sa suporta ug kooperasyon nga gihatag kaniya sa iyang mga club members atol sa iyang termino isip club president.
Ang Rotary Club of Dadiangas ang nominado usab sa musunod nga mga award categories: Best Service Project in Economic and Community Development,ingon man ang Best Service Project in Maternal and Child Care.